1. Zergatik pentsatu etxe jasangarri batean?

Etxebizitzak eta etxeak modu berean ari dira eraikitzen aspalditik ... Espazioak berdinak izaten jarraitzen dute , baina ez dira egokitu bertan bizi direnen kezka eta itxaropen berrietara.

Gaur egun, etxeko espazioak birpentsatzeko gakoa dugu, XXI. mendeko erronketara egokituz: klima-aldaketa, erabilitako baliabideen jasangarritasuna, energia-eraginkortasuna edo zirkulartasuna.

Zer kontzepturi buruz hausnartu behar den , etxeek ahalik eta eragin txikiena izan dezaten , bai planetaren gainean , bai pertsonen gainean.

BAINA… ZER DA ETXE JASANGARRI BAT

Etxe jasangarri bat da ingurumena eta pertsonak errespetatzen dituzten irizpideei jarraituz diseinatu dena

• Ingurumenarekiko errespetuzkoa: erabilitako materialek ahalik eta gutxien kutsatzea edo ingurumen-aztarna txikiagoa izatea, jasangarriak izatea, erabilitako energia-baliabideak berriztagarriak izatea, uraren kudeaketa eraginkorra izatea, hondakinen kudeaketa erraztea, etab. Ingurumena errespetatzen duen etxe batek energia-kontsumo ia nulua du, baliabide naturalak ahalik eta gehien erabiliz (eguzki-panelak, geotermia...). Era berean, isolamendu termiko ona izan behar du (horma isolatzaileak, leihoak eta ate hermetikoak...) energia-kontsumoa murrizteko, kanpoan hotza edo beroa egin.


• Pertsonak errespetatzen ditu: etxe osasungarria eta erosoa da, argiztapen- eta klimatizazio-soluzioei, isolamenduari, aireztatzeko eta iragazteko sistema mekanikoei eta abarri esker. Etxe batek pertsonak errespetatzen dituenean, kalitate handiagoko airea arnasten da, kanpoko kutsadura saihesten du eta gaixotasunak saihesten ditu. Halaber, pertsonen sentsazio termiko egonkorra bermatzen du, baita zarataren isolamendu ona eta aire-korronte gogaikarririk gabea ere. Pertsonak errespetatzen dituen etxe batek argiztapen ona eskaintzen du, lasaitasuna transmititzen du eta espazio bakoitzean herritarren beharretara egokitzen da, ongizate psikologikoa eta begien osasuna errazteko.