Os obradoiros son unha gran ferramenta para transmitir ao teu alumnado hábitos de sustentabilidade no fogar dunha maneira lúdica e baseada na aprendizaxe experiencial. Estes coñecementos axudaranlles a ser cidadáns con criterio á hora de consumir alén dos seus fogares.

A dinámica do obradoiro está dirixida ao alumnado de Educación Primaria inscrito no Concurso (3.º, 4.º, 5.º e 6.º). Nela achegarédesvos á sustentabilidade no fogar a través dun xogo no que teredes que cumprir unha misión: conseguir os 5 produtos ecodeseñados necesarios para reformar a casa de vacacións dos avós. Por equipos e avanzando polo taboleiro teredes que superar os retos que vaian aparecendo para conseguir o voso obxectivo. Ademais hai moitas sorpresas!

Existen 2 niveis para o obradoiro, adaptados á idade dos participantes (alumnado de 3.º-4.º ou de 5.º-6.º de Primaria), e dispoñíbeis en todas as linguas cooficiais, castelán e inglés.

Podes elixir dúas modalidades de obradoiros:

• Obradoiro en directo: Podes reservar un obradoiro presencial coa asistencia dunha das nosas persoas voluntarias ao voso centro. Prazas limitadas.
• Obradoiro en liña: Se ningunha persoa voluntaria de Leroy Merlin pode acudir ao teu centro educativo, tes a posibilidade de solicitar un obradoiro en liña. O xogo desenvólvese a través dun Genial.ly, pero se non tedes acceso a Internet na aula, podedes imprimir os materiais necesarios para levalo a cabo desde a vosa Área Privada.

Como me apunto?

Para apuntarte nos obradoiros, é necesario estar inscrito no programa de acción educativa con polo menos un grupo ou aula. Se aínda non estás inscrito podes facelo aquí.

Posteriormente, desde a túa Área Privada, poderás apuntarte da seguinte maneira:

Seleccionando a modalidade que máis che interese.

• Obradoiro en directo*:

  1. Só tes que facer clic en “Apuntarme a obradoiro” e seleccionar o número de grupos/clases para os que solicitas obradoiro.
  2. Unha das nosas persoas voluntarias poñerase en contacto contigo para definir a data, hora e dinámica do obradoiro.

  *Os obradoiros en directo teñen límite de prazas e só se poderán impartir naqueles centros educativos que teñan unha tenda Leroy Merlin a menos de 30 km.

• Obradoiro en liña:

  Terás dispoñíbel tanto o taboleiro de xogo como o documento de preguntas e respostas, ademais dun vídeo no que dúas persoas voluntarias de Leroy Merlin te guiarán ao longo da dinámica.